Өвлийн улиралд хуурайшсан арьсыг арчлах аргууд

Өвлийн хүйтэн температур, хуурай агаар нь хүний арьс болон үсний байгалийн хамгаалалтыг алдагдуулж, гүн хуурайшилт үүсгэдэг. Бүсгүй та эдгээрээс арьсаа хамгаалж, толигор, чийглэг байлгахыг хүсвэл гэрийн нөхцөлд дараах арьс арчилгааг өөртөө харамгүй зориулаарай.

1Халуун шүршүүрт орохоос зайлсхий

Халуун ус нь арьсыг гэмтээж, байгалийн чийглэг байдлыг нь алдагдуулдаг. Тиймээс бүлээн болон хүйтэн үсээр нүүрээ угааж байгаарай. Ингэснээр таны арьсанд үрчлээс үүсэхээс ч мөн давхар сэргийлнэ. Түүнчлэн халуун усаар нүүрээ угаах, усанд орсноор арьсанд эгзем үүсгэх, загатнуулах, арьс холцруутах шинжүүд илэрдэг.

2Сүү болон зөгийн бал

Эдгээр бүтээгдэхүүнүүд нь арьсны чийглэг байдлыг удаан хадгалж, арьсыг толигор гоёмсог болгох үйлчилгээтэй. Мөн хөгшрөлтийн эсрэг эрчимтэй тэмцэх болно. Та багахан натурал тарган дээр 1:1 хэмжээтэй зөгийн бал хийж, нүүрэндээ түрхэн зөөлөн иллэг хийгээрэй. Мөн: 

• 1 ц/халбага зөгийн бал
• 1 ц/халбага нимбэгний шүүсийг хооронд нь хольж, маск бэлтгээд 15 минут тавьсны дараа нүүрээ бүлээн усаар угаагаана. Тус маскыг өглөө тавихад илүү тохиромжтой. 

3Овъёостой баннд орох

Овъёостой халуун бүлээн ванн орсноор, таны арьс чийглэг байдлаа удаан хугацаанд хадгалж, булбарай зөөлөн болох боломжтой. Холигчинд хийж буталсан 1-2 аяга хуурай овъёосыг ваннтай усандаа хийж орно. Үйлчилгээг нэмэгдүүлэхийг хүсвэл, 2-3 стакан сүү нэмж өгөөрэй. 7 хоногт 2 удаа 15 минутын хугацаанд орсноор таны арьс зөөлөн, чийглэг болсныг анзаарах болно.

4Нүүрээ угаах бүртээ чийгшүүл

Нүүрээ цэвэрлэх, будгаа арилгах, нүүрээ угаах, будахын өмнө зэрэг үйлдэл бүртээ чийгшүүлэгч хэрэглэж байгаарай. Ингэснээр таны арьс хуурайших нь багасаж, будаг ч сайн шингэж, тогтох болно. Чийгшил нь багассан арьс хуурайшин барзайж, улмаар загатнан, цаашлаад батга гарах нөхцөл болдог.

5Гуужуулах

Та арьсаа 7 хоногт 1-2 удаа тогтмол гуужуулагчаар цэвэрлэж байгаарай. Эс бөгөөс арьсны нүх сүв бөглөрч, бохирдол үүсэн, чийг тосны тэнцвэр алдагддаг байна. Үүнээс үүдээд батга гарах, будаг шингэхгүй байх зэрэг асуудлууд үүсдэг юм шүү дээ.

Бүсгүй та тогтмол нарны тос түрхэж байснаар, хуурай ширүүн уур амьсгалаас арьсаа хамгаалж чадна!